October 17, 2010

රජිනි කාන්ට් - සිංහලෙන්....

සර් අයිසැක් නිව්ටන්ව අපි හැමෝම දන්නවනේ නේද...? එයා තමයි චලිතයේ නියම හොයාගත්තෙ. එයා තාමත් නොබිඳුන භෞතික විද්‍යා මූලධර්ම ගණනාවක් ලෝකෙට බිහි කරපු විද්‍යාඥයෙක්.

ඒත් ඔයාල දන්නවද? භෞතික විද්‍යාවෙ විශ්වීය මූලධර්ම වැරදියි කියල ඔප්පු වුණා.... ඒ ගැන නිවුටන් මාර අප්සෙට් එකේ හිටියෙ....

ඒ අප්සෙට් එක පිට නිවුටන්ගෙ දිවි හානි වෙන්න හේතු වුණ කාරණය තමයි මේ කියන්න යන්නෙ.

වතාවක් නිවුටන් ඉන්දියාවට ආපු වෙලේක දෙමළ චිත්‍රපටි කීපයක් බලල ඔළුව විකාර වුණා... භෞතික විද්‍යාව ගැන එයාගෙ තර්ක සහ නීති සේරම මල විකාර ටිකක් විතරයි කියල එයාට තේරුණා.

රජිනිකාන්ත් හිටපු චිත්‍රපටියකදි සමහර වෙලාවලදි නිව්ටන්ට හිතුණ එයාට පිස්සුම තමයි කියල. එයා බලපු චිත්‍රපටිවල තිබුණෙ මෙහෙම අවස්ථා...

1. රජිනිකාන්ත්ට මොලේ ගෙඩියක් තියෙනවා. දොස්තරල කියන්නෙ ඒක හොඳ කරන්න බෑ කියල. ඒ වගේම රජිනිගෙ මරණයත් ළඟදිම සිද්ධවෙනව කියල තමයි කියන්නේ. එක සටනකදි රජිනිකාන්ත්ගෙ ඔළුවට වෙඩි වදිනවා. හැමෝටම පුදුමයි.. උණ්ඩය එක කණකින් ඇතුල් වෙලා අනිත් කණෙන් පිට වෙනවා... අර මොලේ තිබුණ ගෙඩිය උණ්ඩෙට ඇමිණිලා එළියට එනවා... රජිනිට හොඳ වෙනවා.

රජිනිකාන්ත් දිගුකල් වැජඹේවා...

2. තව චිත්‍රපටියකදි රජනිකාන්ත් ඉස්සරහට එනවා මැරයො තුන් දෙනෙක්. රජිනි ගාව පිස්තෝලයක් තිබුණත් ඒකෙ තියෙන්නෙ එක උණ්ඩයයි. කකුලෙ බූට් එකේ තියෙනවා පිහියක්. රජිනි මොකද කරන්නේ... අර පිහිය අරන් විසි කරනවා මැද ඉන්න මැරයට... ඒ එක්කම ඒ විසි වෙන පිහියට වෙඩිල්ල තියනවා... පිහියෙ වැදිල උණ්ඩෙ දෙකට කැපිල දෙපැත්තට ගිහින් දෙපැත්තෙ මැරයො දෙන්නට වැදිලා උන් මැරෙණවා.. පිහිය කෙලින්ම වදිනවා මැද ඉන්න මැරයට.

3. රජිනිකාන්ත් පස්සෙන් හතරවෙනි මැරයෙක් පන්නනවා... රජිනි ගාව පිස්තෝලෙ තිබුණට දැන් උණ්ඩ නෑනේ... මොකෝ කරන්නේ? කාටවත් අනුමාන කරන්නවත් බෑ මොකද කරන්නෙ කියල... රජිනි ‍ඉන්නව මැරය වෙඩිල්ල තියනකල්. වෙඩිල්ල තියපු ගමන් රජිනි තමන්ගෙ පිස්තෝලෙ උණ්ඩ දාන කෝෂය විවෘත කරල අර උණ්ඩෙ අල්ලගන්නව කෙලින්ම ඒක ඇතුලට... ටක් ගාල කෝෂය වහල උණ්ඩෙ ආපු ගැම්මෙන්ම අනිත් පැත්තට වෙඩි තියනව. ඒ මැරයත් දොයි...

මේව නිවුටන්ට සැර වැඩියි... එයා වෙව්ලන්න අරන් ආපහු යන්න නැගිට්ටත් අවසාන වතාවට තව චිත්‍රපටියක් බලලම යනව කියල ආයෙ ඉඳගත්ත. එයා හිතුවෙ අන්තිම චිත්‍රපටියවත් එයාගෙ තියරි වලට අනුව තියෙයි කියලයි. හිතුව වගේම ඒ චිත්‍රපටිය හරිම විද්‍යානුකූලව ගලාගෙන ගියා. නිව්ටනට මාර සතුටුයි... ලෝකෙ හැමදේම වෙනස් වෙලා නෑ කියල එයා සන්තෝස වුණා...

ඒත් නිවුටන් ඉක්මන් වුණා තීරණය ගන්න...

චිත්‍රපටියෙ උග්‍රම අවස්ථාව තියෙන්නෙ දැන්...

රජිනිකාන්ත් දැනගන්නව තමන්ගෙ ප්‍රධානම සතුර ඉන්නෙ උස.... තාප්පෙකින් එහා පැත්තෙ කියල. රජිනිකාන්ත්ට සුපර්මෑන් ටෙක්නික් පාවිච්චි කරලවත් ඒකෙන් පනින්න බෑ... ඒ වුණාට මේක චිත්‍රපටියෙ උග්‍රම අවස්ථාව නිසා කොහොම හරි සතුරව මරන්නත් ඕන.

(මේ වෙලාවෙ නිවුටන් මහත්තයා හිනා වෙවී ඇපල් ගෙඩියක් කන්න ගත්තා.. ඇයි දැන් බය වෙන්න දෙයක් නෑනේ... මේ තාප්පෙන් පනින්න කොහොමත් බෑ...)

ඒ වුණාට රජිනි තාප්පයක් නිසා සැලෙයිද? ගත්ත සාක්කුවෙන් පිස්තෝල දෙකක්... පළවෙනි එක හයියෙන් උඩට විසි කලා. ඒක තාප්පෙ මුදුණෙන් උඩට යනවත් එක්කම දෙවෙනි පිස්තෝලෙ අරන් අර අහසෙ පාවෙන පිස්තෝලෙ කොකාට වෙඩි තිබ්බා... පළවෙනි පිස්තෝලෙන් උණ්ඩයක් පිටවෙල ඒක වැදිල එහා පැත්තෙ ඉන්න සතුර මැරිල වැටුණා...

"දඩස්!"

නිව්ටන් ඇපල් ගෙඩිය උගුරෙ හිර කරගෙන මැරිල වැටුණ.

මේ තරම් විශිෂ්ඨ රජිනිකාන්ත් ගැන තව විස්තර දැනගන්න ඕනද?

1. රජිනිකාන්ත් දෙවතාවක් අනන්තයට යනකල් 1, 2, 3 ලියල තියෙනවලු 2 පන්තියෙදි.

2. රජිනිකාන්ත් ඩිප්ස් ගහද්දි ඇත්තටම වෙන්නෙ පෘථිවිය පහලට තල්ලු වීමයි.

3. රජිනිකාන්ත් ඔරලොසුවක් පාවිච්චිකරන්නෙ නෑ... එයා ගේමක් නැතිව වෙලාව තීරණය කරනව.

4. රජිනිකාන්ත්ගෙ ගෙදර දොරවල් නෑලු... එයාට බිත්ති අතරින් ඇවිදින්න පුළුවන්ලු...

5. රජිනිකාන්ත් තමන්ගෙ මල පැනිල්ලෙන් කෝපි හදන පොරක්. තද වුණ වෙලාවට දත් කද්දි එයා කටේ දාල කෝපි කුඩු කරගන්නව. ඒ වගේම රතු වෙලා රත් වෙද්දි ඔළුව උඩ ‍ඇළුමිනියම් මුට්ටියක් තියලා වතුර උණුකරගන්නව.

6. ඔය බර්මියුඩා ත්‍රිකෝණෙ කියන එක ඉස්සර බර්මියුඩා චතුරස්‍රෙලු. දවසක් රජිනිට මල පැනලා එක මුල්ලකට පයින් ගහල විසි කරාට පස්සෙලු ත්‍රිකෝණෙ වුණේ.

7. වතාවක් ආද‍ර ප්‍රස්ණයක් ඇති වෙලා රජිනි නිදි පෙති බෝතලයක්ම ගිල්ලා. ඒත් සිද්ධ වුණ එකම දේ එයා එක පාරක් ඇහිපිය ගහපු එක විතරයි.

8. රජිනිකාන්ත් අඩිය තියෙන හැමවෙලේම සුලිසුළඟක් ඇතිවෙනවලු. වෛද්‍ය උපදෙස් මත එකම එක වතාවක් උදේ දුවපු වෙලේක තමයි ඔය කැත්‍රිනා සුලි සුළඟ ඇවිත් තියෙන්නේ. බෙංගාල බොක්කෙ නාන්න ගිය වෙලේක ලිස්සල මුහුදට වැටුණ වෙලේ තමයි සුනාමි ඇව්ත් තියෙන්නේ...

9. රජිනිකාන්ත් වැස්සෙන් හිම බෝල හැදුවලු...

10. රජිනිකාන්ත් දවසක් වයර්ලස් ෆෝන් එකකින් සතුරෙක්ගෙ බෙල්ල හරර කලාලු...

11. වැඩිය දඟලන්න ආවොත් රජිනිකාන්ත් මාළුන්වත් වතුරෙ ගිල්ලවනවලු.

12. පියානෝ එකෙන් වයලීන් ගහන්න පුළුවන් එකම මිනිහ රජිනිකාන්ත් තමයි.

13. රජිනි කළුවර කාමරේකට ඇවිත් ලයිට් ඔන් කරන්නෙ නෑලු. එයා අඳුර ඕෆ් කරනවලු...

14. ළූණු ගෙඩියක් අඬවන්නත් පුළුවන්ලු රජිනිකාන්ත්ට

15. රීසයිකල් බින් එක ඩිලීට් කරගන්න ඕන නම් රජිනිකාත්ත්ට කියන්න...

16. රජිනිකාන්ත්ගෙ කොම්පියුටරේ ක්‍රෑෂ් වෙයි කියල බිල් ගේට්ස් ලොක්ක ඉන්නෙත් බයෙන්ලු ඕං..

17. හොල්මන් මේ තරම් වැඩි ඇයිද දන්නවද? සාමාන්‍යයෙන් මිනිස්සු මැරිල ඉපදෙන්න යන වෙලාවට වඩා ඉක්මනින් රජිනිකාන්ත් මිනිස්සු මරණවලු. ඉතිං එයාලට ඉපදෙන්න හෙන කාලයක් යනවා...

18. රජිනිකාන්ත්ට කණ්නාඩියකින් මූණ බලන්න බෑලු... බලපු ගමන් කණ්නාඩිය කුඩු වෙනවා. මොකද රජිනිකාන්ත් සහ රජිනිකාන්ත් අතරට එන්න තරම් කණ්නාඩියක් වුණත් මෝඩ නෑ...

19. මොනා ලිසා හිනාවෙන්නෙත් රජිනිකාන්ත් නිසා කියල දන්නවද?

මෙය උපුටාගනු ලබන්නේ-රජිනි කාන්ට් - සිංහලෙන්....